ما هي متلازمة تكيس المبايض؟ (شرح مبسط)

إن “التكيسات” الموجودة في متلازمة تكيس المبايض مش أكياس، لكنها حويصلات لبويضات متعددة. المرأة العادية بيكون عندها حوالي من 12-20 حويصلة بويضة في الشهر تقريبا. الحويصلات دي بتكبر في الحجم وفي الطبيعي واحده منهم بتوصل للنضج ويحصل لها تبويض في قناة فالوب. باقي الحويصلات بيحصلها ضمور.

في تكيس المبايض كتير من الحويصلات ممكن توصل لمائه حويصلة تكبر جدا قبل التبويض. وفي اشعة الالتراساوند يظهروا مثل عنقود من العنب أو سلسلة من اللؤلؤ.

المشكلة في تكيس المبايض هي عدم انتظام الدوره الشهريه. كتير من الحويصلات بيتنافسوا على النمو والنضج وده يؤدي لتاخير التبويض وعدم انتظام الدوره الشهريه وبرده هيأثر على جودة البويضات.

أعراض متلازمة تكيس المبايض الشائعة

ايه هى اعراض تكيس المبايض:

  • زيادة الوزن (خاصة في منطقة البطن)
  • حب الشباب
  • دوره غير منتظمه أو غيابها
  • شعر كثيف في الجسم والوجه
  • مزاج متقلب
  • مشاكل في الخصوبة وتأخر الحمل
  • الإجهاض المتكرر
  • عرضة للإصابة بمرض السكر النوع الثاني

كيف تؤثر متلازمة تكيس المبايض على الخصوبة وفرص الحمل؟

تكيس المبايض ممكن يؤدي الى العقم بسبب عدم انتظام الدورة الشهريه (غياب التبويض) وقلة جودة البويضات.

بشكل عام، السيدات اللي عندها مستوى عالي من هرمون (LH) في النصف الاول من الدوره الشهريه عندهم خطر أعلى للاجهاض. وكنتيجة لكده، السيدات اللي عندها تكيس المبايض بيبقى عندها خطر اعلى للاجهاض بسبب زيادة مستوى هرمون LH.

في دراسة، مجموعة من السيدات عندهم تكيس في المبايض أتطلب منهم انهم يغيروا نظام الاكل بتاعهم، لقوا أن معدل الإجهاض قل بشكل ملحوظ من 75% لـ 18% اول ما نزلوا في الوزن.

في دراسة تانية لقيت ان 11 من أصل 12 سيده كان عندهم مشاكل في التبويض وكان وزنهم زايد، بقوا حوامل بطريقه طبيعيه بعد ما ما فقدوا وزنهم الزائد.

دور التغذية ومقاومة الأنسولين في علاج تكيس المبايض

السبب ان الناس اللي عندها تكيس في المبايض، جسمهم بيميل أنه يقاوم الأنسولين. المبيض المتكيس بيستجيب أقوى من المبيض العادي للأنسولين. التغذيه السليمه بتقلل تأثير الأنسولين على المبيض المتكيس.

لو حافظتي على مستوى الانسولين قليل طول اليوم ده هيكون مفيد وهتتجنبي مقاومة جسمك للانسولين و هيقلل كثير من المضاعفات.

ركزي على انك تاكلي اكل متوازن يحتوي على نسبة قليلة من السكريات. لازم تكون كل وجبة متوازنة وفيها بروتين ودهون صحية. لو الوجبات اتقسمت بطريقة منتظمة على مدار اليوم هيخلي مستوى السكر في الدم والانسولين مضبوطين طول اليوم.

تقليل الكربوهيدرات المكررة والسكر مفيد جدا والاكل المتوازن بألوان كثيرة من الخضروات والفواكه يساعد بطريقة كبيرة.

أهم الفيتامينات والمعادن لتخفيف أعراض تكيس المبايض

1. الكروم (Chromium)

لو عندك تكيس في المبايض الكروم معدن مهم جدا ليكي. الكروم يساعد على تكوين عامل تحمل الجلوكوز (GTF). الكبد بيفرز العامل ده وبيخلي الأنسولين يشتغل بكفاءة أعلى. نقص الكروم ممكن يؤدي الى مقاومة جسمك للأنسولين ودي مشكلة كبيرة في تكيس المبايض.

2. فيتامينات ب (B-Vitamins)

الفيتامينات B2 و B3 و B5 و B6 مفيدة بشكل خاص في تقليل أعراض تكيس المبايض.

  • يساعد فيتامين B2 على تحويل الدهون والسكر والبروتين إلى طاقة.
  • فيتامين B3 هو أحد مكونات عامل تحمل الجلوكوز (GTF)، وبيساعد أن السكر يفضل في مستواه.
  • فيتامين B5 بيساعد في فقد الوزن لأنه بيلعب دورًا في التحكم في التمثيل الغذائي وحرق الدهون.
  • فيتامين B6 مهم للحفاظ على توازن الهرمونات، وهو مهم جدا علشان يحافظ علي وظيفة هرمون الغدة الدرقية.

3. الزنك (Zinc)

يعتبر الزنك معدنًا مهمًا للتحكم في الشهية. نقصه في الجسم ممكن يسبب انك تفقدي حاسة الشم والتذوق، وده هيخلي عندك جوع شديد للاكل اللي فيه نكهات عالية (ملح وسكر زيادة).

الزنك برده بيلعب دور مهم في الهرمونات زي الأنسولين فهو بيضبط مستوى السكر في الدم. نقص الزنك شائع، ومصادره اللحمه والحمص والمكسرات واللب.

4. المغنيسيوم (Magnesium)

مستوى المغنيسيوم بيكون قليل في الناس اللي عندها سكر. في علاقة بين نقص المغنسيوم و مقاومة الجسم للأنسولين. فكره كويسه انك تستخدمى ماغنيسيوم كثير لو عندك تكيس في المبايض، هتلاقي المغنيسيوم موجود في المكسرات والبذور.

5. أوميجا 3 (Omega-3)

الاحماض الامينيه الاساسيه دي هتخلي الجسم يبقى حساس أكثر للأنسولين ويقلل من مقاومته. لما تاكلي اكل فيه أوميجا 3 هيقلل مستوى التستوستيرون في السيدات اللي عندها تكيس مبايض. بنرجح تاكلي من حصتين إلى ثلاث حصص من السمك الدهني في الأسبوع.

كيف أبدأ؟ خطوات عملية للتعايش مع تكيس المبايض

كل ما تقدري، ابدئي انك تعملي تغييرات وتحسينات صغيرة واحدة واحدة.

  • بدلي الكربوهيدرات المكررة بحبوب كاملة.
  • حاولي تقللي السكر قدر الإمكان.
  • إنك تتابعي مع دكتور نساء و دكتور تغذيه هيساعدك ويعلمك ازاي تعيشي مع تكيس المبايض وتقللي من أعراضه.

انا عارفه ان بيكون صعب انك تبعدي نفسك عن اكل كنت بتحبيه فيه كربوهيدرات وسكريات كثير. هيكون مهم قوي ومفيد لو تبدئي خطه غذائيه مع اخصائي تغذيه ويقلل فيها الاكل اللي فيه كربوهيدرات عالية.

لو حابه تحجزي معايا اونلاين اضغطي هنا وهنساعدك تبدئي. الدعم ومعرفة اختياراتك ايه من البداية هنساعدك خصوصا في بداية مشوارك.